bad news

Posted on by
上星期四到Q醫覆診, 見我最唔想見的醫生, 點解??…因為佢好串..我對佢不知幾客氣,之前我曾經做過運動心電圖, 一個正常有做開運動的人, 心跳應比其他人慢…是的..我開頭做的幾分鐘確實有點兒慢, 但到了上斜段路, 心跳博命標升, 連部機都響warning , 我當時心知不妙..但因為我當時冇心口痛便以為冇事….
報告出左….一向政府醫院的作風, 未check 到咩事係唔會講你知的, 他只說 : ( 份報告顯示….雖然你嗰刻冇覺得唔舒服或心口痛, 但以你的年齡唔應該有冠心病, 膽固醇又正常, 我需要你做一個同位素描. ..) 初時我只以為普普通通的素描, 到我登記時先知唔簡單, 要停止進食8小時, 全個檢查分2part, 足足 做 7 個小時, 又要注射顯影劑入身體內, 冇想過咁大工程, 我的壓力不是來自自己有病, 而是公司給我好大壓力, 有誰明白呀…我都唔想咁, 竟然害怕公司的閒話仲多於驚自己真的有病….仲有呀….醫生對我說..原來我對紅班狼瘡症曾經有陽性反應, 所以現在是觀察期…彩虹