我人生的第一次Wild Camp

我人生的第一次Wild Camp ~ 竟然是到澳門黑沙水庫, 真是好難忘, 之前一直擔心冇厠所啦, 太黑我會好驚啦,有冇蛇蟲啦,  瞓唔到覺啦…., 最懷的打算是 1. 夜晚搭船返香港   2. book 酒店過夜( 當然唔會係住威尼斯人啦 ) ,  但又想挑戰自己, 令自己克服環境, 原來並不是我想像中咁差, 甚至乎我已愛上Wild Camp, 那種寧靜 , 好親近的大自然, 晚上的昆蟲聲, 海浪聲 ...( 其實我對聲音並不陌生, 因為我晚晚聽大自然CD瞓覺 ) 感覺真是好舒服, 最有趣的笑話是….我在半夜三更 ( 即是夜晚3點幾 ) 的時候, 被好微弱的音樂聲嘈醒了, 這裡只有我地一班人, 應該冇人在播音樂, 況且在我瞓之前都冇人聽歌,  D 歌怎樣來 ? 啉左一陣…都係快D瞓番, 馬上攞件外套噉住耳仔瞓覺, 到第二朝, 本想唔講, 但好奇下就問吓有冇人聽到? 原來…個個都聽到, 佢地話應該有人揸車來山腳Funng 機, 咁古怪? 都好, 起碼個個都聽到嘛…現在都好回味, 甚至乎好期待下一次的來臨, 真是一個好好的人生體驗, 對我來說最大的收穫係…認識一班有料之人, 個個都有番咁上吓經驗和知識, 我只有O晒咀喺度聽… 不過…其中三人給我的感覺特別深刻  ,  1. 區先生剛剛完成行亞根庭雪山接近海拔7000公尺高 共12日的行程, 仲同我地分享他影的相,超晒班的靚相….2. B先生聽聞是山藝導師, 有種親切感, 個人好隨和好易相處….3. E先生, 好得意的年青人, 好好傾和好好笑 …..

我都好多謝我朋友K小姐給我借出超大背包 ( 好貴…過千蚊的名牌背包), 給我提供營幕…